Edda

Andrés og Andrésína eru í fríi á sólarströnd. En þar eru líka frægir menn og fantar og Andrés lendir upp á kant við hvora tveggju. Grænjaxlarnir eru að kynna starf sitt í útlöndum. En í skemmtiferð lenda þeir í dularfullum kynjastað.

Andrés er kominn á rétta hillu í lífinu! Hann græðir stórfé á bragðlaukum sínum. Skyldi það endast lengi? Eftir misheppnað rán lenda tveir Bjarnabófanna á bóndabæ hjá elskulegum hjónum. Sá þriðji liggur á gægjum og fylgist með.

Enginn virðist muna eftir afmælinu hans Andrésar og hann er svo dapur að hann leiðist út í hættulega tilraun. Á býlinu hennar ömmu andar er kominn nýr hani sem alltaf gelur á miðnætti – en ekki í dögun. Amma er ráðalaus.

Fyrir tilviljun öðlast Andrés dýrlega söngrödd og skráir sig í söngkeppni. En þar er fyrir annar keppandi sem tryllir Andrés. Í hitabylgju reynir Jóakim að spara með ódýrri loftkælingu. En margur sparar aurinn en kastar krónunni.

Í grennd við Andabæ hefur brjálaður vísindamaður sloppið út af hæli og hann lítur nákvæmlega eins út og Andrés. Georg uppgötvar tómstundagaman sem hann langar til að stunda. En því miður vill Andrés endilega aðstoða hann.

Andrési verður alls staðar hornreka sé frægt fólk nærri. Hann ákveður því að gera ALLT fyrir frægðina. Bjarnabófarnir leggja á ráð um stórglæp til að vinna ,,Óskundann” æðstu heiðursverðlaun undirheimanna.

Andrésína pantar glæsihatt hjá dýrum hönnuði fyrir hátíð í bænum. En þegar ungarnir sækja hattinn missa þeir hann í svaðið ... Svarti-Pétur er orðinn leiður á hjálparkokki sínum og rekur hann. En það leysir ekki vanda hans.

Enn er Jóakim kominn út í geim að leita gulls. En hann verður ekki ekki bara þræll gullsins, heldur líka vinnuþræll. Mikki ætlar aldeilis að skella sér í nýja tölvuleikinn sinn – en það er eins og allt leggist á eitt við að hindra hann í því.

Páskaskrúðganga Andabæjar stendur fyrir dyrum og nú á að útiloka Andrés frá henni svo hann geri engan óskunda. Í frumskóginum leynast talandi apar, vinir Mikka. En þegar vísindamenn komast að því eru þeir í hættu.

Andrés verður að komast í starfsviðtal til Gæsabæjar tímanlega. En lestin er sein og Andrés flýtir ekki fyrir henni. Grænjaxlarnir eru í útilegu til að taka myndir af sjaldgæfum dýrum. En hvaða dýr lúrir þarna í skuggunum?

Andrés fær starf sem bréfberi í Alaska. Metnaður hans er mikill en starfið reynist erfiðara en hann ætlaði. Mikki er að lesa skemmtilega bók – en gamanið tekur að kárna þegar atburðir í sögunni fara að gerast í lífi hans sjálfs.

Andrés tekur þátt í veiðikeppni en á meðan er Georg að finna upp tæki sem verður Andrési afdrifaríkt. Andrés lofar að sýna frænda sínum hvernig landa megi feitum samningi. En það kostar sitt ...

Andrés vinnur óhemju verðlaun í sjónvarpsþætti – en þar reynist böggull fylgja skammrifi. Jóakim og frændurnir halda til hafs í olíuleit. En í fárviðri flýr áhöfnin í bátana og skilur þá frændur eftir um borð.

Á elskendadeginum ætla að Andrés og Andrésína að eiga rómantíska stund í tívolí! En þá dynur bölvunin yfir ... Á Gæsabæjarvelli fer fram knattspyrnuleikur ársins og Andrés neytir allra klækja til að komast þangað.

Jóakim hefur ekki mikinn áhuga á náttúruvernd. En samt endar hann í kröfugöngu með mótmælaspjald. Ungarnir eiga að vinna verkefni í eðlisfræði fyrir skólann. En þegar Andrés kemst með puttana í það er voðinn vís.

Fyrir tæknimistök Georgs breytist Andrés í ofurönd svo nú getur hann klúðrað hlutunum með ofurafli. Mikki fer með Guffa og Kláusi í vetrarferð upp í fjöll. En margt býr dularfullt í fjöllunum.

Jóakim ákveður að draga úr rekstrarkostnaði með því að ráða eintóm vélmenni í fyrirtæki sín. Í fyrstu gengur allt vel en svo ... Ungarnir geta tekist á við öll vandamál sem upp koma. En þegar illgjörn stelpa flytur í hverfið verða þeir næstum mát.

Andrésína fer í skíðaferð með fína fólkinu í Andabæ en Andrés svífst einskis til að lauma sér í sömu ferð. Mikki vaknar einn morguninn og virðist vera einn í heiminum. Hvað hefur orðið um alla borgarbúa?

Jóakim ærist þegar fullyrt er að jólasveinninn sé ríkasta vera á jarðríki. En er hægt að sanna að hann sé það ekki? Undarlegur gestur er lentur hjá ömmu önd. Hann er á sleða sem dreginn er af hreindýrum. En ungarnir þykjast vera orðnir of stórir til að trúa á jólasveininn.

Andrés ætlar að gera það gott við að selja jólatré sem hann er búinn að rækta í áranna rás. En ungarnir eru tregir til að vinna við trjátekjuna. Andrésína vill eiga rómantíska kvöldstund á aðventunni - en Andrés er ekki alveg að ná því til hvers er ætlast af honum.

Andrés og ungarnir reka besta bakarí og eiga skjótasta sendilinn í Andabæ. En vondir bakarar baka þeim vandræði. Bjarnabófarnir klúðra enn einu ráninu og ákveða að gera eitthvað stórfenglegt til að endurheimta orðspor sitt.

Andrés ætlar að keppa í erfiðri þríþraut en hugsar meira um að finna upp hjáparbrellur en að þjálfa líkamann. Úna hleypir Bjarnabófunum í peningageymi Jóakims. En hún bætir rækilega fyrir brot sitt.

Jóakim og Fína Fjármann takast á um eign í Hollandi. Og þar kemur krókur á móti bragði á móti króki á móti bragði á móti króki ... Guffi og Kláus telja að velmenni séu að leggja undir sig heiminn og reyna hvor um sig að bjarga veröldinni.

Jóakim telur sig hafa fundið ráð til að góma Bjarnabófana. En Andrés misskilur brallið og allt fer í vaskinn. Andrési langar á hokkíleik og gerir allt til að verða sér úti um veikindafrí daginn sem leikurinn fer fram.

Andrés tímir engu að henda og sankar að sér rusli frá hinum og þessum. Einn dag kemur þessi árátta honum í koll.

Jóakim fær lánaðan álagaspegil á safn sitt af fágætum munum. En það er varasamt að líta í álagaspegil. Mikki fer andvaka á rölt eina nóttina. Allt í einu situr hann uppi með fagra konu og stolna demantsfesti.

Andrés sýnir náttúrulega hæfileika í bogfimi og ræður sér frægan sérfræðing til að vinna Gullnu örina eftirsóttu. Georg er búinn að finna plánetu úr gulli úti í geimnum og hann, Jóakim og frændurnir fara að leita af henni..

Andrés tekur að sér fjáröflun fyrir grænjaxlana þegar ungarnir veikjast. En hann er ekki mikill sölumaður. Jóakim fylgist með Andrési alla daga svo hann svíkist ekki um. En einn daginn snýr Andrés á frænda sinn.

Sumarfríið er búið og Ripp, Rapp og Rupp leggja á ráðin um hvernig fá megi frænda til að flytja til lands án skóla. Jónas nágranni reynist eiga frænda á aldur við ungana. Saman reyna nú piltarnir að stilla til friðar milli þeirra tveggja.

Veitingastaðir með "þema" eru í tísku í Andabæ og Andrés stofnar einn slíkan. En er steinaldarmatur líklegur til að laða að gesti ?

Jóakim er með sjötta skilningarvitið þegar hann finnur ógn steðja að peningunum sínum. En of mikil tortryggni getur hitt mann sjálfan fyrir.

Ungarnir eru ekki hrifnir þegar þeir þurfa að eyða sumrinu við að gæta húss fyrir ríkisbubba einn. En þar sem ungarnir eru þar gerast líka ævintýri.